लोकप्रिय मराठी अभिनेत्री प्रिया मराठेचे निधन , कॅन्सरशी झुंज अपयशी ; वयाच्या अवघ्या 38 व्या वर्षी घेतला अखेरचा श्वास

मुंबई : मराठी मनोरंजन विश्वातील लोकप्रिय अभिनेत्री प्रिया मराठेचे निधन झाले . 31 ऑगस्ट रोजी ऐन गणेशोत्सवाच्या धामधुमीत हे धक्कादायक वृत्त समोर आले आहे . वयाच्या 38 व्या वर्षी अभिनेत्रीने अखेरचा श्वास घेतला . अशी माहिती समोर आली आहे की , कर्करोगाशी झुंज अपयशी ठरल्याने रविवारी सकाळी अभिनेत्रीची प्राणज्योत मालवली .Priya Marathe Moghe ने सकाळी चार वाजता मीरा रोड याठिकाणी अखेरचा श्वास घेतला . श्रीकांत मोघे यांची सून आणि शंतनू मोघेची पत्नी असणारी प्रिया मराठीसह हिंदी मनोरंजन विश्वातील लोकप्रिय अभिनेत्री होती . अशीही माहिती समोर आली आहे की , ती गेल्या दोन ते अडीच वर्षांपासून कर्करोगाशी झुंज देत होती . अभिनेत्री गेल्यावर्षीपासून सोशल मीडियावरही विशेष सक्रिय नव्हती . तिने शेवटची पोस्ट 11 ऑगस्ट 2024 रोजी केली होती . ज्यात तिने शंतनूसोबतचे फोटो पोस्ट केले आहेतPriya Marathe Passes Away ‘ या सुखांनो या ‘ या मालिकेतून तिने टीव्ही विश्वात पदार्पण केलेले . त्यानंतर प्रियाने ‘ चार दिवस सासूचे ‘ , ‘ तू तिथं मी ‘ , ‘ ऑलमोस्ट सुफळ संपूर्ण ‘ , ‘ येऊ कशी कशी मी नांदायला ‘ अशा अनेक गाजलेल्या मराठी मालिकांमध्ये काम केले आहे . गोड चेहऱ्याच्या या अभिनेत्रीने ‘ तू तिथे मी ‘ , ‘ तुझेच मी गीत गात आहे ‘ सारख्या मालिकांमध्ये नकारात्मक भूमिकाही साकारली होती . तिची ‘ तुझेच मी गीत गात आहे ‘ या मालिकेतील मोनिका तुफान गाजली , पण ही मालिकाही तिने अर्ध्यात सोडली होती . याशिवाय ‘ पवित्रा रिश्ता ‘ , ‘ उतरन ‘ , ‘ कसम से ‘ , ‘ बड़े अच्छे लगते है ‘ अशा हिंदी मालिकांमधूनही ती घराघरात पोहोचली . आपल्या दमदार अभिनयाने प्रियाने मराठी सिनेसृष्टीत एक वेगळं स्थान निर्माण केलं होतंप्रियाच्या वैयक्तिक आयुष्याबद्दल सांगायचं झाल्यास , प्रिया आणि शंतनू यांनी 2012 मध्ये लग्नगाठ बांधली होती . त्यांनी ‘ स्वराज्यरक्षक संभाजी ‘ मालिकेत एकत्र कामही केले होते