अतिवृष्टीमुळे श्रीमंत संजीवराजेंचा 61 वा वाढदिवस सोहळा पुढे ढकलला – मा . माजी आमदार दीपक चव्हाण

फलटण – मराठवाडा व पश्चिम महाराष्ट्रात सुरू असलेल्या अतिवृष्टीने शेती , जनावरे आणि घरांचे प्रचंड नुकसान झाले आहे . अनेक कुटुंबांची आर्थिक परिस्थिती गंभीर झाली आहे . या नैसर्गिक संकटाच्या पार्श्वभूमीवर , यावर्षी 9 ऑक्टोबर रोजी मोठ्या थाटामाटात साजरा होणारा श्रीमंत संजीवराजे ना.निंबाळकर ( बाबा ) यांचा 61 वा वाढदिवस सोहळा पुढे ढकलण्यात आल्याची व अतिवृष्टीमुळे सोलापूर जिल्ह्यातील नुकसान झालेल्या माढा व करमाळा तालुक्यातील नागरिकांना वाढदिवसाच्या दिनी मदत पोहोचवणार असल्याची माहिती फलटण – कोरेगाव विधानसभा मतदारसंघाचे माजी आमदार दीपक चव्हाण यांनी दिलीगोविंद दूध डेअरीच्या वर्धापनदिनी कार्यक्रमात महाराष्ट्र विधान परिषदेचे मा . सभापती श्रीमंत रामराजे ना . निंबाळकर यांनी संजूबाबांचा वाढदिवस मोठ्या दणक्यात साजरा होणार असल्याचे जाहीर केले होते . त्यानुसार राजे गटाच्या कार्यकर्त्यांनी विविध सामाजिक उपक्रमांची तयारी केली होती . परंतु अतिवृष्टीच्या संकटामुळे हा सोहळा पुढे ढकलण्याचा निर्णय घेण्यात आला आहे .