भारतीय बौद्ध महासभा जिल्हा शाखा सातारा पूर्व अंतर्गत विविध क्षेत्रात यश संपादन करणाऱ्या मान्यवरांचा त्यांचे पालकांसह सत्कार व कौतुक सोहळा, फुले, शाहू, आंबेडकर सामाजिक सभागृह कोळकी या ठिकाणी आज सायंकाळी सहा वाजता जिल्हा शाखा सातारा पूर्व अध्यक्ष आद. नानासाहेब मोहिते सर यांचे अध्यक्षतेखाली व महाराष्ट्र राज्य संघटक, असी. स्टाफ ऑफिसर, प्रभारी पुणे व सातारा जिल्हा आद. दादासाहेब भोसले यांचे उपस्थितीत संपन्न झाला. जिल्हा शाखा सातारा पूर्व सरचिटणीस आद. अरुण गायकवाड यांनी उपस्थितांचे स्वागत करून प्रास्तविक केले. यश संपादन केलेल्या मान्यवरांचे ओळख करून देऊन त्यांच्या क्षेत्रात त्यांनी कशा प्रकारे यश मिळवले हे आयु. मिलिंद अहिवळे यांचे वतीने आद. आयु. सिद्धार्थ अहिवळे यांनी मनोगत व्यक्त करताना प्रत्येक यशस्वीतांचे यश कशा पद्धतीने साकार झाले याची गुरुकिल्लीच उपस्थितांना सांगून आपल्याच न्हवे तर प्रत्येक समाजातील विध्यार्थ्यांना या बाबत मार्गदर्शन करून कश्या पद्धतीने साकार करता येईल या साठी पुणे, मुंबई, लंडण या ठिकाणी ऑफिस काढून मार्गदर्शनाचे काम करत असल्याचे सांगितले. आद. लोंढे सर, आद. दत्ता अहिवळे सर व आद. सुहास अहिवळे सर यांनी आपापल्या पाल्याना यश प्राप्तीसाठी केलेल्या प्रयत्नांचे उपस्थितांना मार्गदर्शन केले.
यशस्वी मान्यवर आद. पराग लोंढे व आद. संकेत अहिवळे यांनी आपापले यश प्राप्तीचे टप्पे व केलेले प्रयत्न, आलेले अनुभव सांगून यश हे केवळ भगवान बुद्ध व डॉ. बाबासाहेब आंबेडकर यांच्या प्रेरनेणे मिळाले. बाबासाहेब यांचे विचार आणि शिकवण हीच खऱ्या अर्थाने यशाची गुरुकिल्ली असल्याचे नमूद केले. आद. अमोल काकडे सर यांची कन्या श्रुती काकडे हिने सुद्धा डॉक्टर पात्रता परीक्षेत घवघवीत यश संपादन केल्याने तिचा सुद्धा या वेळी सत्कार करण्यात आला. आद. सावंत सर यांनी ही आपले मनोगत व्यक्त केले. शेवटी अध्यक्षीय भाषण आद. नानासाहेब मोहिते सर यांनी केले तसेंच जिल्हा शाखा सातारा पूर्व चे माजी जिल्हाद्यक्ष आद. श्रीमंत घोरपडे सर यांनीही त्यांचे वतीने सर्व यशस्वीतांचा सत्कार केला. शेवटी सरनतंय होऊन कार्यक्रमाची सांगता झाली.
