आंबेडकरी चळवळीतील आणि सामाजिक व सहकार क्षेत्रातील ज्येष्ठ कार्यकर्ते हरिष चंदरराव काकडे तथा नाना अनंतात विलीन

फलटण :-आंबेडकरी चळवळीतील आणि सामाजिक व सहकार क्षेत्रातील ज्येष्ठ कार्यकर्ते हरिष चंदरराव काकडे तथा नाना यांचे वयाच्या ७५ व्या वर्षी अल्पकालीन आजाराने नारळी बाग, फलटण येथील राहत्या घरी आज रविवार दि. २१ सप्टेंबर रोजी सकाळी ८.३० वाजता दुःखद निधन झाले.
प्रामुख्याने आंबेडकरी चळवळीत सक्रिय असलेल्या कालकथीत नानांनी दि यशवंत को – ऑप. बँक लि., फलटण, सातारा जिल्हा सहकारी खरेदी विक्री संघ लि., सातारा, फलटण तालुका सहकारी खरेदी विक्री संघ लि., फलटण, फलटण सहकारी शेतमाल प्रक्रिया संस्था लि., फलटण, फलटण कॉटन सेल, जिनिंग अँड प्रेसिंग को – ऑप. सोसायटी लि., फलटण आदी विविध सहकारी संस्थांच्या माध्यमातून तसेच फलटणचे नगरसेवक म्हणून कालकथीत हरिष काकडे तथा नाना यांनी फलटण तालुक्याच्या सहकार व सामाजिक क्षेत्रात तत्कालीन आमदार डॉ. कृष्णचंद्र भोईटे यांच्या समवेत केलेले काम विसरता येणारे नाही.
त्यांच्या पश्चात पत्नी, २ मुले, २ मुली, सुना, जावई, नातवंडे असा मोठा परिवार आहे.
आज रविवारी दुपारी २.३० वाजता त्यांच्या पार्थिवावर फलटण येथे अंत्यसंस्कार करण्यात येणार आहेत. अंत्ययात्रा नगर परिषद सफाई कामगार वसाहत, म. फुले नगर येथील राहत्या घरापासून निघणार आहे. पार्थिव अंत्यदर्शनासाठी तेथे ठेवण्यात येणार आहे. भावपूर्ण श्रद्धांजली !