फलटण – हॉकी इंडिया अंतर्गत हॉकी महाराष्ट्र व क्रीडा व युवक सेवा संचालनालय महाराष्ट्र राज्य पुणे यांच्या संयुक्त विद्यमाने छत्रपती शिवाजी राजे क्रीडा संकुल बालेवाडी येथील एस्ट्रोटर्फ मैदानावराती महाराष्ट्राच्या महिला संघसाठी निवड चाचणी आयोजित करण्यात आली होती या निवड चाचणीमध्ये दि हॉकी सातारा संघटनेची महिला हॉकी खेळाडू कु अनुष्का चव्हाण व कु तेजस्विनी कर्वे यांनी उत्कृष्ट खेळ करत महाराष्ट्राच्या संघामध्ये स्थान मिळवले आहे. या दोन्ही खेळाडू मुधोजी हायस्कूल व ज्यु. कॉलेज या प्रशालेत शिकत आहेत.
बिहार येथे होणाऱ्या खेलो इंडिया हॉकी स्पर्धेमध्ये सदर हॉकी संघ सहभागी होणार आहे.
दिनांक 28 एप्रिल पासून बालेवाडी पुणे येथे स्पर्धा पूर्व प्रशिक्षण शिबिर आयोजन करण्यात आले आहे. सातारा जिल्ह्यातील क्रीडा क्षेत्रामध्ये आणखी एक मानचा तुरा रोवला गेला आहे. या सर्व खेळाडूंना दि हॉकी सातारा संघटनेचे सचिव तथा ज्येष्ठ हॉकी प्रशिक्षक श्री महेश खुटाळे सर व हॉकी प्रशिक्षक श्री सचिन धुमाळ सर प्रशिक्षण देत आहेत. तसेच प्रशिक्षणामध्ये सहाय्यक म्हणून श्री बीबी खुरंगे सर, सहाय्य करत आहेत. सर्व प्रशिक्षक व खेळाडूंचे विधान परिषदेचे मा.सभापती श्रीमंत रामराजे नाईक निंबाळकर महाराजसाहेब, कृषी उत्पन्न बाजार समितीचे चेअरमन मा.श्रीमंत रघुनाथराजे नाईक निंबाळकरसाहेब ,महाराष्ट्र खो-खो असोसिएशनचे अध्यक्ष मा.श्रीमंत संजीवराजे नाईक निंबाळकरसाहेब, फलटण एज्युकेशन सोसायटीच्या क्रीडा समिती चेअरमन श्री शिवाजीराव घोरपडे सर, मुधोजी हायस्कूलचे प्राचार्य श्री वसंतराव शेडगे सर व दि हॉकी सातारा संघटनेचे अध्यक्ष श्री बाहुबली शहा, व इतर पदाधिकारी श्री पंकज पवार ,श्री प्रवीण गाडे, श्री विजय मोहिते,श्री महेंद्र जाधव ,श्री सचिन लाळगे व माजी राष्ट्रीय खेळाडू श्री सुजीत निंबाळकर यांनी अभिनंदन केले.
